Apat ka mga Banwa sa Negros Occidental, ang Zero Active COVID-19 Case, as of April 6

Wala sang aktibo nga kaso sang coronavirus disease (COVID-19) ang apat ka mga banwa sang Negros Occidental, as of April 6, 2021, sandig sa report sang Provincial Incident Management Team.

Ini amo ang Candoni, Hinoba-an, La Castellana kag Don Salvador Benedicto.

Samtang, nagapanguna ang ciudad sang San Carlos sa may pinakamadamo nga active COVID-19 cases nga 164, kag ini ang ginasundan sang ciudad sang Cadiz nga may 54, kag La Carlota City nga may 47.

As of April 6, may 552 tanan ka aktibo nga kaso sang COVID-19 sa Negros Occidental.

Sa karon, 7761 na ang total confirmed cases sang COVID-19 sa probinsya, kon sa diin 6979 na ang naayo kag 230 ang napatay.*