Matapos sang masobra lima katuig nga pagpanago, gilayon nga nadakpan na ang top 1 most wanted sang Medellin Police Station kag number 9 most wanted person sang probinsya sang Cebu sa Hacienda Pula, Barangay E. Lopez sa ciudad sang Silay, Negros Occidental, takna las 2:15 kaina sang aga, Abril 23, 2021.
Dakup si Arnold Aballe, alyas “Boboy,” 33-anyos kag residente sang Mahawak sa Medellin, Cebu, sandig sa report sang Regional Special Operations Group-6.
Si Aballe ang wanted sa kaso nga murder kag ini ang may warrant of arrest nga gin-isyu ni Bogo City Regional Trial Court, Branch 61 Judge Antonio Maregomen sang Disyembre 14, 2015.
Wala sang bailbond para sa temporaryo nga kahilwayan si Aballe.
Nakuha kay Aballe ang isa ka MK4 caliber 45 nga may magazine kag pito ka ammunition, kag isa ka fragmentation grenade.
Ang pag-aresto kay Aballe ang joint operation sang RSOG-6, Silay Police Station, Negros Occidental Provincial Mobile Force Company, Regional Mobile Force Battalion, Provincial Intelligence Unit, kag Medellin Police Station.*
