LA CASTELLANA, NEGROS OCCIDENTAL – Wala na sang plano pa nga magsampa sang kaso ang Iloy sang mga suspetsado ukon ang asawa sang biktima sa tatlo ka mga kabataan sini.
Madumduman sang gintalikdan nga adlaw, napatay ang amay nga ginkilala kay Benjamin Gonzales Sr, matapos nga pululihan sang tatlo niya sini ka mga kabataan sa Barangay Sag-ang banwa sang La Castella Negros Occidental, matapos ang ginaalegar nga pagsulod sang ila amay nga mentally challenge ukon ginaalegar may deperensia sa panghunahuna tuga sang depression sa kwarto sang hinablos sini, nga wala sang panapton kag ginaalegar nga nagtuyo pa kon tani ini nga mangrape apang gilayin ini nga nakit-an sang iya nga asawa.
Nahibaloan man nga gintawag sang asawa ang iya tatlo ka mga kabataan nga amo ang nagsaway sa ila nga amay, apang sandig sa imbestigasyon sang La Castellana PNP nagpangakig pa ang biktima rason nga nagluntad ang wala ginalauman nga hitabo.
Boluntaryo man nga nagsungka ang mga kabataan matapos obrahon ang kremin. Narecover sa crimescene ang tatlo tanan ka nagkalain-lain nga klasi nga baratiya sang kahoy nga amo ang ginapatihan gingamit nga panglampos sang mga kabataan sa ila mismo nga amay.
dugang pa sang mga kapulisan Naghinulsol kag naghilibion ang tatlo ka mga kabataan sang ang mga ini ang nakarealisar sang ila nga ginbuhat. Nahibaloan man sang Radyo Bandera Patrol Team nga indi gali makontrol ang biktima kung hinali ini ang abuton, kon sa diin nagalab-ot sa punto nga indi lang pamilya sini ang iya ginasakit apang amo man ang iban nga residente sa ila nga lugar.
Sa piyak nga bahin, apisar ginpaguwa sa custodial facilty ang tatlo ka mga kabataan bangod sa pag-atras sang kaso, ginpahayag naman ni Police Captain Ramel Bustamante hepe sang nasambitan nga banwa nga indi pa makabig nga case close ang natabo.
Dugang pa ni Bustamante nga ila pa sini imbestigaran kung bala may mga anggulo nga posible makabig nga planado ang natabo.
Suno sa hambalon, wala sang ginikanan nga luyag mangin kriminal ang ila mga kabataan, apang ano ayhan ang imo ma batyagan kung ang mismo mo nga mga kabataan ang mangin rason sang imo nga pagtaliwan.
