Cauayan, Negros Occidental-Patay ang anay barangay tanod matapus gintiro alas 5:30 subong kaagahon sa Sitio Narra, Brgy. Calamanda-an, Cuayan, Negros Occidental.
Ang biktima ang ginkilala kay Julie Casumpang, legal ang pangedaron may asawa kag ex-tanod sa amu nga barangay.
Sa inpormasyon nga nakuha sang Radyo Bandera nga naglawig sang iya karabaw ang biktima sang hinali ini nga ginluthang.
Dugang pa sa inpormasyon nga nagtuyo pa nga magdalagan si Casumpang apang gintiro ini sa paa, matapus nga matumba ginpalapitan kag gintiru pa gid sang makapila ka beses sa iya nga dughan.
Patay on the spot ang biktima kag gilayon man nga nagpalagyo ang mga suspek sa wala pa mahibaluan nga direksiyon.
Indi pa matumod sang mga kapulisan kon ano ang motibo sa pagpatay kay Casumpang.
Narekober sa eksena sang krimen ang 4 ka bala kag 4 man ka basiyo sang M16 armalite riffle kag M14 rifle.
