Ginpasakaan na sang kaso nga direct assault kag driving without a license ang 26-anyos nga babayi nga nakuhaan sang video samtang nagapanakit sang traffic enforcer sa Malate, Manila, Huwebes sang aga, Mayo 27, 2021.
Nag-viral na sa karon ang nasambit nga video kon sa diin makita nga ginasakit sang babayi nga ginkilala kay Pauline Mae Salamero, nga isa ka freelance model sa Laguna, ang traffic enforcer sang Manila Traffic and Parking Bureau (MTPB).
Suno sa report sang Manila Police District S.Ma.R.T., nga ang drayber ang ginparahan sang enforcer nga ginkilala kay Marcos Anzures Jr. matapos ini ang nag “beat the red light” samtang nagamaneho sang Toyota Fortuner sa Osmeña Highway.
Wala nagpresentar sang driver’s license kag iban pa nga dokumento ang babayi.
Ang pagsakit sang babayi, nagresulta sa pagdugo sang agtang sang traffic enforcer.*
Photos were screengrabs from the video posted by Manila PIO
