Tuesday, July 16, 2024

KAP RICKY MIJARES NAGPAATHAG SA REKLAMO SANG PAMILYA SANG NAKURYENTE PATAY KAHAPON SA PUROK LAWAYAN, BARANGAY BANAGO

- Advertisement -

Nagpaathag si Kapitan Ricky Mijares may kaangtanan sa reklamo sang pamilya sang 18-anyos nga nakuryente patay kahapon nga adlaw, las 4:30 sang hapon sa Purok Lawayan, Barangay Banago sa syudad sang Bacolod.

Suno kay Mijares nga natabuan nga may ginrespondehan ang ila rescue vehicle nga dalal-on man sa hospital rason nga wala naka provide sang salakyan ang barangay agud madala sa hospital ang biktima nga si John Mark Geanga.

Natabuan man nga guba ang duha ka salakyan nga ila man ginagamit kuntani sa tion sang emerhensiya kag ila na subong ginapakay-o.

- Advertisement -

Dugang pa sang kapitan nga wala sila sang may ginapili nga serbisyohan kag natabuan gid lang nga wala sang may magamit sang salakyan sang nagpangayo tabang ang pamilya sang biktima.

Ginpasabat man ni Mijares ang iya staff nga si Ivon Bernales kag ginsiling sini nga wala nila ginpabay-an ang pamilya sang nagpangayo sang tabang kag natabuan gid nga wala na sila sang salakyan nga ipahulam.

Nagpalab-ot man si Mijares sang pag-unong sa pamilya Geanga kag ginakasubo man sini ang natabo. Ginahulat pa man sang Brgy. Banago ang ambulansiya nga ginpromisa ni Cong. Greg Gasataya agud magamit sa kaangay nga hitabo kag ginkumpirmar ni Mijares nga nakaline-up na ini sa mga proyekto sang kongresista.*

- Advertisement -
Shiela G. Gelera
Shiela G. Gelera
Shiela G. Gelera is a Bacolod City/Negros Occidental-based journalist who has covered various beats since she started her media career in 2013 up to the present. She had worked with the oldest local daily newspaper in the Visayas before she hopped into the broadcast industry. Currently the news director of Radyo Bandera Sweet FM Bacolod. Aside from being with the local media outfit, she is also a news stringer for a national media network and a story contributor for a local news daily in Bacolod.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles