NEGROS OCCIDENTAL– Arestado ang isa ka babayi nga street level individual sa ginpatigayon nga buy-bust operation sa Zone 5, Salvacion, Barangay 6 siudad sang Victorias, Negros Occidental kahapon, Huwebes, Enero 19, 2023.
Ginkilala ang suspek kay Rosy Patricio, 43-anyos kag residente sang nasambit nga lugar.
Dakop ang suspek matapos nagabaligya sang ginapatihan shabu.
Nakuha kay Patricio ang siyam ka pakete nga shabu lakip ang duha ka buy-bust item, duha ka disposable lighters, isa ka improvised plastic straw scoop, isa ka pakete sang sigarilyo, isa ka gunting, isa ka kutsilyo, Php500.00 nga buy-bust money kag apat ka improvised tooter.
Nakahunong naman ang suspek sa Victorias City Police Station bangud naglapas sa Republic Act 9165 ukon Comprehensive Dangerous Drugs Act of 2002.*
