Nagpanguna ang siudad sang Bacolod sa mga lugar sa Western Visayas nga may pinakamadamo nga kaso sang COVID-19 subong nga adlaw Agosto 22.
Sa COVID-19 Regional case bulletin #148 sang Department of Health (DOH-6) ang Bacolod City ang nakarekord sang 45 ka dugang nga kaso subong nga adlaw. Wala ini sang narekord nga recoveries kag wala man sang napatay bangud sang makalalaton nga balatian.
Samtang may 35 naman ka panibag-o nga kaso ang narekord sa probinsya sang Negros Occidental, lima ka recoveries kag wala naman sang nagdugang sa mga napatay bangud sang COVID-19.