Nangin patas ang resulta sa Tawag ng Tanghalan kahapon nga adlaw, Huwebes, Abril 13, matapos nakakuha sanday Rusty Bonotano kag Eric Celino sang score nga 95% sa face-off round sang kompetisyon.
Si Rusty ang tumandok sang Bacolod City kag nagpasimpalad sa entablado sang TNT.
Sang tinalikdan nga adlaw, Abril 12, nagpakigbahin man ang iya utod nga si Daphne Bonotano apang nalutos siya sang defending champion nga si Eric.
Kahapon nga adlaw, nagpakigbahin man ang utod ni Daphne nga si Rusty kag nagdaug batok kay Raniel Papa sa kanta nga “Superhero” sang Rocksteddy sa battle of versions.
Sa pag-atubangay nanday Rusty kag Eric, pareho nga nanamian ang mga hurado nga sanday Jed Madela, Ogie Alcasid kag Louie Ocampo sa duha.
Ginkanta ni Rusty ang “Sunday Morning” sang Maroon 5 apang ginkanta naman ni Eric ang “The Last Time” ni Eric Benet.
Maga-atubangay liwat ang duha sa isa ka rematch.
Dugang pa, si Rusty ang nag-audition sadto sa Pilipinas Got Talent kaupod ang banda.*
