Baha nagsaka na sa tubtub bintana sang mga puluy-an sa Oriental Mindoro, mga residente gin-rescue

Bangud sang sige sige nga pagbubu sang ulan, nagsaka na ang baha tubtub sa bintana sang mga puluy-an sa banwa sang Naujan sa probinsya sang Oriental Mindoro.

Agud masalbar ang kabuhi sang mga residente, nagpatigayon sang rescue operations ang mga katapu sang Municipal Disaster Risk Reduction and Management Office (MDRRMO), pasado las dose sang kaagahon, huwebes, Enero 19.

Suno sa ahensya, nalubong na sa tubig baha ang siyam ka mga barangay sa Naujan.

Nalubong man sa tubig baha kag indi na maagyan sang mga salakyan ang pila ka mga dalan sa banwa.

36 milyones ka pesos ang balor sang kahalitan sang baha sa agrikultura sa banwa sang Naujan, humalin pa sang Disyembre 19 tubtub sini nga Enero 2023.*