Bangka nalunod; mga pasahero nga magabisita kuntani sa haya, nasalbar

Luwas na sa katalagman ang 11 tanan ka mga pasahero sang malunod ang ila ginasakyan nga bangka sa kadagatan nga sakop sang San Jose, Camarines Sur.

Suno sa mga pasahero, magabisita kuntani sila sa haya sang ila kakilala nga nabawian sang kabuhi, apang ginhampas sang dalagku nga balud ang ila bangka kag nalunod.

Nasalbar ang kabuhi sang mga biktima, sa bulig sang isa pa ka sakayan pandagat nga nag-agi sa lugar sang insidente.

Nagikan pa sa banwa sang Presentacion ang mga biktima.

Nagpaandam naman ang PAGASA sa publiko nga indi na maglayag pa sa kadagatan kon indi maayo ang lakat sang panahon, agud malikawan ang trahedya.*