Sa ginpatigayon nga Press Conference sa talatapan ni Governor Eugenio Jose Lacson sang Enero 16, 2023, ginpahayag sang Gobernador nga magapadayon ang mga programa kag proyekto sang gobyerno apisar nga ginbasura sang New People’s Army (NPA) ang ginatanyag nga Local Peace Talks sang Army sa Negros.
Nahibaluan nga nagpanawagan sang Local Peace Talks ang pamunuan sang 303rd Infantry Brigade pinaagi kay Brigade Commander Col. Michael Samson, apang wala ini ginbaton sang NPA-Apolinario Gatmaitan Command.
Apang suno kay Lacson, padayon nga pagasuportahan sang probinsya ang proyekto sang gobyerno partikular na ang National Task Force to End Local Communist Armed Conflict (NTF-ELCAC).
Dugang pa sang Gobernador, magapadayon ang gobyerno sa paghingyo sa mga myembro sang NPA nga magpanaug na kag i-sungka ang ila mga armas-luthang agud maka-benepisyo sa mga programa nga gintalana para sa mga kasubong nga mga rebel returnees.
Ginpahayag pa sang Gobernador nga indi buot silingon nga ginbasura sang NPA ang Local Peace Talks, wala na sang pagahimuon ang gobyerno.*
By: Randy Coronel
