Bangkay sang 21-anyos nasapwan sa Sipalay, biktima gina-alegar nag-inom cyanide

SIPALAY CITY – Patay na sang nasapwan ang isa ka lalaki sa atubang sang pantyon sang iya iloy sa syudad sang Sipalay takna las dos sang hapon sang Biernes, Setyembre 9.

Ang caretaker sang pampubliko nga patyo ang nakakita sa bangkay sang 21-anyos nga lalaki.

Gina-alegar nag-inom sang cyanide ang biktima nga gintunaan sang iya kamatayon.

Suno sa amay kag tiya sang biktima, ikapila na ka bes nga gintuyo sang biktima nga maghikog.

Dugang pa sang pamilya, posible nga problema sa gugma ang rason sa paghikog sang biktima.

Ginkumpirmar naman sang kapulisan nga wala sang foul play sa nagluntad nga insidente.