Tuesday, December 6, 2022

Bangkay sang Bag-o Bun-ag nga Lapsag, Ginsulod sa Maleta kag Ginpaanod sa Suba

- Advertisement -

Nagakabit pa ang umbilical cord sang lapsag nga babaye nga ginabulubanta isa ka adlaw palang ginbun-ag kag may kabug-aton nga 1.250 kilo sang ini ang ginpaanod sa suba.

Base sa inisyal nga imbestigasyon sang otoridad, Sabado sang aga sang matukiban ang patay nga lapsag sa Tullahan River sa Brgy. San Bartolome, Novaliches, Quezon City.

Isa ka babaye nga nagapatuka sang manok sa likod sang ila balay malapit sa suba ang nakakita sang maleta nga nagalutaw.

- Advertisement -

Sang iya ginbuksan, isa ka bangkay sang bag-o bun-ag nga lapsag ang yara sa sulod sang maleta.

Gilayon naman nga gin report sang babaye ang insidente.

Base sa SOCO Team sang QCPD Forensic Unit, may naga baroron pa nga tela sa li-og sang lapsag.

Gina-imbestigaran naman sang mga otoridad ang rason sang pagkamatay sang lapsag kag kung sin-o ang naghaboy sang bangkay ka lapsag sa suba.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

- Advertisement -

Latest Articles