NEGROS OCCIDENTAL– Bangud sa gina-alegar pagpangimon, ginbuno-patay sang suspek ang ginapuyo sang iya anay live-in partner sa Purok Jasmin, Brgy. Poblacion banwa sang Valladolid takna la-1:30 sang kaagahon sang Domingo, Pebrero 19.
Duha ka buno sa dughan ang naagom sang biktima nga si Danny Boy Tamta, 32-anyos kag residente sang Brgy. 2, Victorias City nga amo ang gintunaan sang iya kamatayon.
Samtang ang suspek naman nga si Richard Gayomali, 41-anyos kag residente sang Brgy. Tabao Baybay sa banwa sang San Enrique ang gilayon nga nakapalagyo matapos ang insidente.
Apang sa ginpatigayon nga hot pursuit operation sang mga katapo sang Valladolid MPS, tigayon nga nadakpan ang suspek sa terminal sang bus sa syudad sang Canlaon, Negros Occidental.
Sa karon, nakahunong ang suspek sa Valladolid Police Station kag napasakaan naman ini sang kaso nga murder.*