HONG KONG– Nasapwan nga wala na sang ulo sa sulod sang refrigerator ang lawas sang isa ka modelo sa Hongkong nga nangin digital cover sang fashion magazine nga L’Officiel Monaco.
Ginkilala ang biktima nga si Abby Choi, 28-anyos kag “married” sa 28-anyos man nga lalaki nga ginhingadlan lamang sang mga otoridad bilang si Kwong.
Suno sa mga otoridad, ginapangita pa ang ulo sang biktima kag iban pa nga parti sang lawas sang modelo.
Ginbulgar sang kapulisan nga naaresto na ang bana sang biktima nga nagtuyo magpalagyo sakay sa sakayan pandagat.
Kalakip man sa naaresto kag ginkasuhan sang murder amo ang ugangan nga babaye kag lalaki sang biktima, subong man ang bayaw sang modelo.
Base sa imbestigasyon, may isa ka persona sa pamilya, nga indi pabor kon paano ginagamit sang modelo ang iya kinitaan okon kuarta.*
