Sphynx cat ginsakit, ginbutangan tattoo sang gang sa prisohan

Naluwas sang kapulisan ang isa ka tuig nga kuring nga Sphynx halin sa isa ka prisohan sa siudad sang Juarez sa Mexico kun diin ini ginsakit sang isa ka gang.

Ginbutangan pa sang nasambit nga gang sang mga tattoo ang panit sang kuring nga nalakipan sang “Made in Mexico”.

Subong, nagapangita ang mga awtoridad sang pamilya nga maga-adoptar sa kuring.

“The cat is very sociable, and is in great shape, with no infections,” pahayag ni Cesar Rene Diaz, ecology director sang Juarez.