Nabawian sang kabuhi ang isa ka inbibidwal sang hinali lang nga nagsigabong ang isa ka barko kag nag ibwal ang kalayo sa pungsod Thailand.
Ginapaidalum sa repair ang nasambit nga barko sa Mae Klong River.
Base sa report, may yara sang 16 ka mga indibidwal nga nagatrabaho sa Smooth Sea 22 nga oil tanker.
Isa na ang kumpirmado nga nabawian sang kabuhi kag indi magnubo sa napulo ka mga persona ang nasamaran sa insidente.
Gindeklarar “missing” ang iban pa nga mga trabahador sa barko.
May karga nga 25,000 ka litro sang fuel oil kag 20,000 ka litro sang krudo okon diesel ang barko samtang ginapatigayon ang “welding” kag iban pa nga mga “repairs” sa barko.
Isa ka oras pa naglawig ang sunog sa barko antis nga natapna ang paglapta sang kalayo.
Nakuhaan man sa CCTV footage ang insidente.*
