Ginalauman nga paga-lantawon sang Department of Health Region-6 ang mga kapsidad sang hiligdaan sa mga tags aka ospital sa ciudad sang Bacolod.
Ini matapos nga mag-request si Bacolod City Mayor Bing Leonardia sa DOH-R6, sa ila sini ginpatigayon nga virtual meeting kahapon.
Ang mga bed capacity amo ang mga ginatugyan sang mga ospital sa tanan nga COVI-19 patients, nahibaloan nga may nabaton nga report ang local nga pamunuan nga may yara sang mga ospital nga nagapamalibad sa iban nga pasiente nga magpa-admit bangod wala na sang bakante.
Sa piyak nga bahin suno sa DOH-R6 nga base sa datos nga ila ginauyatan madamu pa sang mga ospital sa ciudad sang Bacolod nga may yara sang mga bakante nga hiligdaan ukon kwarto para sa mga pasiente.
Suno pa kay Leonardia, “This is a matter of life and death,”
“This is so serious and critical. This is one of the areas we would need your support,” dugang pa sang alkalde.
Matandaan nga nakalab-ot sa alkalde sang ciudad ang mga reklamo sang mga pumuluyo.
Nakatalana man nga makipagkita si Leonardia sa mga chiefs sang tags aka ospital agud matagaan sang nagakaigo nga solusyon ang nasambitan nga isyu.