Ululupod suno kay Presidente Rodrigo Duterte nga magaselebrar ang Pinoy sang paskwa sa maabot nga Disyembre bangod mahimu nga mangin COVID-FREE na ang pungsod.
Ini ang ginpahayag ni Duterte sa iya sini nga public address ka gab-i Agosto 10, nahimu mahambal sang Presidente ang nasambitan nga bulan bangod nagapati ini nga daku ang bulig sang bakuna nga gin-obra sang pungsod Russia nga ginakabig sini nga abyan.
“Maligayang maligaya ako. Ang Russia, kaibigan natin ito… Ang ano nila magbigay sila ng bakuna. Wala naman sila sinabing bayaran mo. Tingin ko kay President Putin, tulong nila sa atin… Someday, makabayad kami ng utang na loob namin sa inyo… The Philippines and Russia will remain friends forever,” hambal ni Duterte.
Dugang pa ni Duterte nga maga-boluntaryo ini nga magapa-injection sang bakuna sa virus kung magaabot na ini sa Pilipinas sa maabot nga Septyembre ukon Oktubre.
“May tiwala ako na di sila nagkamali… Kung pwede sa akin, pwede sa lahat. Kung hindi pwede sa akin, ‘yan ang problema.”
Sa karon ginahulat na lang nga maaprobahan sang World Health Organization kag sang mga eksperto ang bakuna nga gina tanyag sang pungsod Russia.
