Big-Time Rollback sa Presyo sang Gatong, Gina-Ekspektar Dason Semana

Gina-ekspektar ang fuel price rollback sa masunod nga semana, suno sa isa ka oil industry source.

Ang presyo sang diesel ang maganubo sang P6.30 tubtob P6.50 kada litro.

Samtang ang presyo sang gasolina naman ang maganubo sang P5.70 tubtob P5.90 kada litro.

Ginkumpirmar man ni Department of Energy-Oil Industry Management Bureau Director Rino Abad nga may yara sang big-time fuel price rollback sa masunod nga semana.

Ginpatpat ni Abad nga ang lockdown sa China Shanghai, interest hikes sang nagkalain-lain nga pungsod kag ang pagpamahog sang recession nga makatuga sang demand destruction, amo ang mga rason sang rollback.*