Nasapwan na gid lamang nga dugon kag wala na sang kabuhi sulod sang isa ka pension house sa Kabankalan City alas 6 kaina sang aga si JOVIMER RAVINA Y. GRAELLOS 51, may asawa kag nagapuyo sang Brgy Tuyom, Cauayan, Negros Occidental, nga una ginreport nga missing sa banwa sang Cuayan kahapon nga adlaw.
Ginpahayag sang room boy sang pension house nga nag- check in ang biktima mga 12:04 sang ugto sang nagligad nga adlaw kaupod ang isa ka babayi nga ginabulubanta 40 anyos kag maputi.
Pila ka oras ang makaligad nag check out ang kaupod nga babayi ni Ravina mga 1:43 sang hapon.
Suno pa sa nagabantay sang amu nga pension house napilitan sila nga sekyaron ang hulot ni Ravina bangud nagsobra na ini sa ila nga oras kag didto ila nakita ang duguon nga lawas sang biktima nga wala na sang kabuhi.
Sa karon ginahulat pa sang mga kapulisan ang SOCO agud maghimu sang investigasyon sa crime scene.
with reports from Rovic Mongcal
