Ginpahayag ni Mayor Salvador “Bading” Escalante Jr sang Cadiz City, naalarma ang local nga pamunuan matapus nga may pagtaas sa kaso sang Covid-19 sa ila ciudad.
Sa interview sang Radyo Bandera, ginsiling ni Mayor Escalante nga 11 ka mga locally stranded individuals ang nagpositibo kag may 4 ka mga local transmission nga nabalhag sa Cadiz City as of March 20, 2021.
Bangud sini ginpakamaayo sang alkalde nga siraduhan temporaryo ang ila Cadiz City park apisar nga masakit sa iya balatyagon agud malikawan ang pagtipontipon kag pagtinumpok sang tawo nga posible tunaan sang paglala pa gid sang balatian.
Sa karon masobra na sa 300 ka mga medical frontliners ang nakabaton sang una nga dose sang bakuna kag natalana naman nga ipatuman ang ikaduha nga dose sa una nga semana sang Abril.
Nagpanawagan man si Escalante sa mga pumuluyo nga maghalong kag magsunod sa mga safety protocols ga ginapanugyan sang ciudad agud malikawan ang Covid-19