Patay ang mag-amay samtang pilason naman ang isa pa matapos ginlabo sadtong Biyernes nga adlaw Abril 9 sa Purok Malunggay A, Brgy. Ilijan, Bago.
Ginkilala ang mga napatay nga sanday Manuel Suriaga, 71 anyos, isa ka barangay kagawad kag residente sang nasambit nga lugar kag anak sini nga si Rene Suriaga, 48 anyos isa ka utility worker.
Padayon naman nga ginabulong sa ospital si Jonarie Suriaga, 47 anyos, nagapuyo sa amo man nga lugar.
Suno sa imbestigasyon sang kapulisan, naglabay sa puluy-an sang mga biktima ang suspek nga si Eleodoro Suriaga, 48 anyos kag isa ka tapasero, sang nabatian sini nga naga-istorya si Manuel sa isa ka lalaki nga iya gina-alegar naghimulos sa iya utod nga babayi 20 katuig na ang nakaligad.
Suno sa kapulisan, ini ang nagtrigger sa suspek agud mabuhat ang krimen.
Gilayon nga ginpanglabo sang suspek ang mga biktima nga nagapreparar lamang sang ila panyapon.
Nakaluwas naman ang upod nga bayaw ni Manuel nga si Shiela Suriaga kag iya tatlo ka kabataan pinaagi sa pag-agi sa backdoor sang ila puluy-an.
Nahibaloan nga magatabang kuntani sa mag-amay si Jonarie apang ini siya ang ginlabo man sang suspek.
Gindala pa sa ospital ang mag-amay apang ginbawian man sila sang kabuhi.
Igapaidalom naman sa post mortem examination ang bangkay sang mag-amay.
