Bride kag groom naghatag sang karne, kakanin, wine kag fruit basket sa ila maninoy kag maninay sa kasal

Viral sa social media ang post sang isa ka bride sa Batangas nga si Graziella Caraan Tumambing kun diin makita ang ila regalo para sa ila mga maninoy kag maninay sa kasal.

Ginahatagan nila ang ila mga maninoy kag maninay sang tig-isa nga parte sang karne nga baboy, mga kakanin, wine kag fruit basket.

Ang ini nga tradisyon sa Batangas amo ang ginatawag nga “dulot” kun diin nagahatag ang bride kag groom sang pasasalamat sa ila nga mga maninoy kag maninay bangud ginbaton sila sang mga ini bilang ihado kag ihada sa kasal.

“Aba’y Kevin Paulo Medrano ay una at huling kasal na natin ito ha,” suno sa Facebook post ni Graziella.

Ginkasal sanday Kevin Paulo Medrano kag Graziella Caraan Tumambing sadtong Miyerkules, Nobyembre 30.