Nangin inspirasyon sa tanan ang istorya sang isa ka OFW nga nagpursige magtrabaho sa guwa sang pungsod agud makapatukod sang simple nga balay para sa iya pamilya sa Barangay Bulata, banwa sang Cauayan, Negros Occidental.
Suno sa single mom nga si Christina Cagonon Patorio, anom na siya ka tuig nagatrabaho bilang domestic helper sa Kuwait.
Gindugang pa ni Patorio, sa payag lang sila naga-istar sadto rason nga nagpursige siya magtrabaho sa nasambit nga pungsod agud makapatukod sang simple kag sementado nga balay para sa iya pamilya.
Ginpabutangan niya ang iya bag-o tukod nga balay sang sala, dining area, kusina, duha ka kwarto kag isa ka banyo agud mangin komportable ang iya duha ka anak.
Magluwas sa balay, nakabakal man siya sang isa ka ektarya nga maisan kag suno sa iya, mas importante ang negosyo agud masiguro nga mapatapos niya sa pag-eskwela ang iya isa ka anak nga yara sa kolehiyo.
“Mas priority ko ang pangkabuhayan kaya para saakin hindi ko kailangan ng bonggang bahay. Mapagtapos ko lang ang aking anak sa college ok na ako kasi wala akong yaman na maipana sa kanila kundi ang edukasyon lamang na hindi manakaw ng kahit na sino,” suno kay Patorio.
