Duha patay samtang isa pilason matapos magbaliskad ang ila ginamaneho nga salakyan sa Purok Proper South, Barangay Taloc, syudad sang Bago, takna las 10:40 sang gab-i, Miyerkules, Nobyembre 30.
Ginkilala ang drayber nga si Jessie Delgado Jr., yara sa ligal nga pang-edaron kag residente sang Pontevedra kag ang duha ka pasahero nga amo sanday Geraldine Gamus kag Jayson Pagcaliwagan, lunsay mga residente sang Batangas City.
Suno sa imbestigasyon, gikan sa nagabatnan padulong sa naaminhan nga bahin sang National Highway ang mga bikitma sakay sang Honda Civic nga may plate number nga UGN 171, sang hinali ini nagliko pihak nga lane.
Bangud diri, nakabunggo sila sa kontreto nga barrier nga nahamtang sa kilid sang karsada kag nahulog sa kanal. Gilayon nga gindala ang mga biktima sa ospital agud mahatagan sang medikal nga atensyon.
Gindeklarar nga dead on arrival sanday Delgado kag Pagcaliwagan samtang padayon nga nagapaayo sa ospital si Gamus.
