Bryan Adams maga-concert sa Maynila

BACOLOD CITY– Maga-concert sa Maynila ang Canadian rocker nga si Bryan Adams sa masunod nga tuig.

Suno sa concert promoter nga Wilbros Live, gin-anunsyo nila nga maga-concert si Adams nga may titulo nga “So Happy It Hurts”.

Maga-perform ang singer sa Araneta Coliseum sa Marso 15, 2023.

Samtang magasugod naman sang pagbakal sang tickets sa Nobyembre 25.

Kilala si Adams sa iya raspy voice kag guitar playing kada mag-perform.

Pagakantahon naman ni Adams ang naghatag sa iya sang dungog sa larangan sang musika: “So Happy It Hurts”, “On The Road”, “Kick Ass”, “Heaven”, “Summer of ‘69”, “Somebody”, “Everything I Do I Do It For You”, “All For Love”, “Have You Ever Really Loved A Woman?”, “Please Forgive Me” kag “Can’t Stop This Thing We Started”.*