Mahimo na nga makabisita ang mga pumuluyo sa Manila Zoo sumugod Lunes nga adlaw, Nobyembre 21, matapos nga ginbuksan sa publiko.
Gin anunsyo sang Manila Zoo okon Manila Zoological and Botanical Garden nga bukas ang lugar humalin las 6:00 sang aga tubtub las 6:00 sang gab-i.
Sini nga aga, ginpatigayon ni Manila Mayor Honey Lacuna ang inspection sa bag-o lang gin develop nga zoo nga nahamtang sa Adriatico Street Malate, Manila.
Kinahanglan lamang sang mga residente sang Manila ang magbayad sang P150 kag P100 sa mga estudyante, agud nga makasulod sa lugar.
Magabayad naman sang P300 ang kada indibidwal kag P200 ang mga estudyante kon indi residente sang Manila.
Maka avail naman sang 20 porsyento nga diskwento ang mga senior citizens kag PWDs.
Libre naman sa admission fee ang mga kabataan nga naga edad sang duha ka tuig paidalum.
Kalakip sa mga makita sa Manila zoo amo ang animal museum, botanical garden kag butterfly garden.*
