Nagpahanumdum ang Bangko Sentral ng Pilipinas (BSP) sa mga bangko kag sa publiko nga sufficiente na nga proof of identity ang national ID para sa pagbukas sang bank account.
Liwat nga nagpagwa sang advisory ang BSP nga nagasiling sa tanan nga government kag private entities nga batunon ang Philippine Identification System (PhilSys) ID sandig sa layi.
Pahayag ni BSP Governor Benjamin Diokno, makabulig ang PhilSys sa kadam-an sa mga Pilipino ilabi na sa marginalized kag low-income, nga magsugod sa pag-save sang kwarta sa mga bangko kag iban pa nga financial institutions.
Dugang pa sa nauna nga PSA advisory, nag-issue ang BSP sang mandu sa mga financial institutions nga batunon ang PhilSys ID sa physical kag mobile formats nga wala na nagakinahanglan sang dugang nga ID.
