Patay ang 34 tanan ka mga persona nga nagasakay sa bus, matapos nga matabunan sang duta sa nagluntad nga landslide, Lunes nga adlaw, Disyembre 4, sa pungsod Colombia.
Antis ang insidente, nagbubu ang ulan sa tunga sang Pueblo Rico kag Santa Cecilia nga lugar sa Risaralda province.
Gintingwaan pa sang mga rescuers nga makuha sa idalum sang duta ang mga survivors sa diin nakuha nga buhi ang siyam ka mga persona.
Isa sa mga na “rescue” amo ang pito ka tuig nga bata, nga naga uyat pa sa bangkay sang iya iloy.
Suno sa mga otoridad pito sa mga biktima sa trahedya, lunsay minor de edad.
Kasunod sang insidente, ginpabutyag ni Environment Minister Susana Muhamad nga tutukan sang gobyerno ang pagpananum sang kahoy, agud malikawan ang mas madamu pa nga insidente sang “landslide” sa ila lugar.*
