Triple collision.
Nagbungguanay ang tatlo ka mga truck sa isa ka traffic accident nga nagluntad sa Osmeña Avenue, Hacienda Cristina, Barangay 21 sa syudad sang Victorias, Negros Occidental, takna las 3:45 sang hapon, Martes, Disyembre 6, 2022.
Nagresulta ini sa pagkahulog sang duha ka mga truck sa banglid.
Base sa inisyal nga imbestigasyon, pareho nga nagapadulong sa sur sang dalan ang dump truck kag ang Stake truck. Apang nabungguan sang dump truck ang pang-ulihi nga bahin sang Stake truck.
Tungod sa impact, na-sideswiped sang Stake truck ang isa ka Isuzu nga truck, nga nagapadulong sa norte nga bahin sang dalan.
Matapos sini, nagdiretso sa banglid ang dump truck kag ang stake truck.
Gindala ang driver sang Stake truck sa Victorias Emergency Clinic kag ini ang gindeklarar nga out patient sang attending physician.*
