Ginpalayag ni Mayor Salvador ‘Bading’ Escalante sa exclusive interview sang Radyo Bandera nga maganubo na kuntani ang kaso sang positive cases sa ila syudad apang may isa ka insidente nga ang 1 ka persona ang naglaton sa pila ka indibidwal rason nga naglapta ang virus.
Sa karon, nagsaka ang positive cases sang Cadiz City nga nagdangat sa 37 bangod sa kumpiyansa sang pumuluyo suno kay Mayor Escalante.
Dugang pa sini nga may 250 ka Yolanda houses ang gingamit bilang quarantine facility sang Cadiz City rason nga handa ang LGU sa mga pasyente nga gin-igo sang virus.
Ang ginahingyo lang ni Mayor Escalante sa mga pumuluyo amo ang kooperasyon kag limitahan ang paguwa sang mga senior citizens kag mga kabataan kung wala lang man sang importante nga kadtuan.
Sa karon, wala na sang mga dokumento nga kinahanglan agud makasulod sa Cadiz City.
