Ginpalayag ni Councilor Renecito Novero angot sa iya sabat sa isa ka persona nga nagsiling nga dapat isa ka medical personnel ang magapamuno sa local IATF task force.
Iya ginsiling nga ang leadership kinahanglan kabalo mag “managed” sang mga problema, kabalo makig-upod kag mamati sa mga miyembro sini kag kabalo maghimo sang solusyon kag may mga doktor man nga katapus sang IATF sa Bacolod.
Amo ini ang nakita ni Councilor Renecito Novero sa kapasidad ni Vice Mayor El Cid Familiaran bangud nangin Manager ini sa Negros Navigation kag nagserbi man nga barangay kapital sang pila ka tuig sa ciudad sang Bacolod.
Dugang pa ni Councilor Novero nga sa likod sang mga reklamo, panglait kag pangpangita sang kapaslawan sa mga opisyales, tuman ang kasakit nga nabatyagan sang mga lokal nga opisyales.
Ginsiliing ni Councilor Novero nga sadtong natabo nga debatihay kag pagsinapol sang mga opisyales, naghibi si Mayor Bing Leonardia bangod indi niya mapunggan ang mga madamo nga reklamo nga ila gakabatunan imbis nga magbinuligay.
Ginpaathag man ni Councilor Novero nga ginatinguhaan sang mga opisyales sang lokal nga panguluhan nga mahimo ang tanan agud makontrolar kag mabatuan ang pandemya nga gina-atubang sang syudad.
