BRGY. GRANADA ISA SA BRGY. NGA PAGA PATUKORAN KA TOWER SANG DITO TELCO!

Bacolod City, Negros Occidental-Nakig angut na ang personnel sang DITO TELCO sa konseho sang Brgy.Granada dala ang Joint Memorandum Circular gikan sa DILG National nga naga mandu sa pag padasig sang application para pagpatukod sang towers sang nasambit nga telco.

Suno sa kay Barangay Granada Kapitan Itik Talimodao, nga gin-imbetaran nila ang tagpamunuan sang DITO TELCO sa ila gin patigayon nga session para maathagan sa sining Joint Memorandum Circular.

Paathag ni Brgy. Kapitan Talimodao nga naga koordinar pa siya sa DILG angut sa JMC para malikawan ang mga technicalities sa nasambit nga appication sang telco.

Dugang pa ni Brgy. Kapitan Talimodao, nga ang tower nga pagapatukuron sa nasambit nga barangay ang igapahamtang sa San Miguel Village.