Sa live interview sang Radyo Bandera kay Congressman Greg Gasataya, iya ginpalayag nga sadtong natabo nga hearing sa tunga sang Philhealth kag Corazon Locsin Montelibano Memorial Regional Hospital, natigayon nga mahatagan sang aksyon ang isyu sang Interim Reimbursement Mechanism ukon IRM.
Nagaguwa nga isa lang ka ospital sa Western Visayas ang nakabaton sang IRM sadtong katapusan nga semana sang Hulyo.
Ang IRM ang pondo gikan sa Philhealth nga pagagamiton sang mga ospital sa tunga sang COVID-19 pandemic.
Apang, ang Corazon Locsin Montelibano Memorial Regional Hospital ang wala nakabaton sang IRM halin sa Philhealth apisar sang madamo nga kaso sang COVID-19 nga narekord sa syudad sang Bacolod.
Ginsiling ni Congressman Greg Gasataya nga nagkomiter na ang Philhealth nga maghatag sang IRM sa mga ospital sa Western Visayas indi lang sa CLMMRH.
Sa bahin naman nga ginasukot sang CLMMRH nga claims sa Philhealth nga nagabalor P170 million, on going pa ang reconciliation sa tunga sang dowa.
