Ginpahayag ni Philippine National Police chief General Guillermo Eleazar nga ang Divinagracia Drug Group nga ginapangunahan sang napatay nga ginakabig drug lord nga si Michael Divinagracia, pati na ang isa ka Chinese national ang distributor sang iligal nga droga sa nagkalain-lain nga lugar sa National Capital Region, Western Visayas kag mga kaiping nga probinsya.
Ang nasambit nga Chinese national nga ginkilala ni Eleazar nga si a certain Jhonson, ang karon nagaserbe sang iya sentensya sa New Bilibid Prison.
Naga-operate man ang nasambit nga drug syndicate sa areas sa Visayas kag Mindanao gamit ang cargo trucks nga nagabyahe sakay sang roll-on-roll-off vessel halin sa Batangas Port kag ginabaton sang ila mga kaupdanan sa area, suno pa kay Eleazar.
Ini nga development ang ginpahayag ni Eleazar matapos sang operasyon sng PNP kag PDEA sa Muntinlupa City nga nagresulta sa kamatayon sang duha ka mga persona nga ginkilala nga sanday Jordan Sabandal Abrigo kag Jayvee de Guzman, sandig sa report sang PNP.
Si Abrigo kag de Guzman ang ginakabig miyembro sang Divinagracia Drug Group, suno sa imbestigasyon sang kapulisan.
Narekober sa nasambit nga anti-illegal drugs operation ang tatlo ka plastic packs ang chinese teabags nga may ginabulubanta P68 Milyones nga balor sang ginasuspetsuhan shabu, isa ka salakyan nga wala sang plate number, ang P1.5 Milyones nga boodle money kag duha ka .45 caliber pistol.
“I commend the joint effort of PNP-PDEA operatives for another laudable accomplishments as we continue to invigorate our anti illegal drugs campaign to totally wipe out all forms of illegal drugs in order to realize our quest for a drug-free nation,” suno kay Eleazar.*
Photos courtesy of PNP
