Tuesday, July 16, 2024

‘Chinese Mafia’ ang yara sa likod sang rice smuggling sa Pilipinas, suno sa BOC

- Advertisement -

Ginatutukan na sang Bureau of Customs (BOC) ang ila nabaton nga impormasyon nga isa ka “Chinese mafia” ang yara sa likod sang smuggling sa bugas sa Pilipinas, rason nga padayon ang pagsaka sang presyo sini sa merkado.

“Yung mga reports na nare-receive po ng office natin, binabanggit nga po mga Chinese. Either nasa side ng financing, nasa side ng distribution or nasa side ng, there are other, maraming levels kung nasaan sila present dito sa agricultural smuggling. ‘Yan po ang isa sa mga tinitignan ng Bureau of Customs,” suno kay BOC Director Vernie Enciso.

Nagpatigayon na ang BOC sang raid sa mga bodega humalin sang Agosto kag nakakumpiskar sang 236,571 smuggled nga bugas sa apat ka bodega sa Bulacan, 36,000 ka mga sako sang bugas sa Tondo, Maynila, kag 20,000 ka mga sako sang bugas sa Bacoor, Cavite.

- Advertisement -

Nagpresenta naman ang mga tag-iya sang importasyon sang mga dokumento apang wala ini naghisanto sa aktwal nga importasyon.

Apisar diri, ginpahayag ni Atty. Marlon Agaceta, chief of staff sang BOC, nga mabudlay kag malawig ang proseso para matumod ang source sang smuggled nga bugas.

Malawig man ang proseso sang pagpasaka sang kaso bangud mas istrikto na subong ang Department of Justice. Agud batunon sang DOJ ang igapasaka nga kaso, kinahanglan nga rasonable kag may mataas nga tsansa sang conviction.

Bangud diri, mas gina-usisa sang mga abogado sang BOC ang pagkuha sang mga ebidensya agud indi mauyang ang igapasaka nila nga kaso.

Subong nga 2023, nakapasaka ang BOC sang 53 ka mga kaso batuk sa 416 ka mga importers.*

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles