Sunog nagluntad sa Brgy. Mansilingan; kahalitan nagdangat sa masobra P500k

Nasunog ang isa ka balay sa Block 8, Lot 5, St. Benilde Homes, Barangay Mansilingan, siudad sang Bacolod, takna las 2:40 sang kaagahon sini nga Lunes, Setyembre 25, 2023.

Base sa report sang Bacolod City Fire Station, ginkilala ang tag-iya sang balay kay Chanda Lobaton nga residente sang nasambit nga lugar.

Nagdangat sa 1st alarm ang sunog kag natapna ang kalayo takna las 2:45 sang kaagahon.

Dugang pa diri, duha ka fire engine, isa ka rescue truck, kag isa ka ambulansya ang nagresponde sa nagluntad nga sunog kun sa diin wala sang may nasamaran ukon napatay.

Naglab-ot naman sa P535,000 ang ginbilin nga kahalitan sang nasambit nga sunog.*