Ginpahayag ni Army Lt Col. J-jay Javines, tigpamaba sang 3rd Infantry Division nga ang grupo ni Alejo Delos Reyes alyas Bravo, isa sa napatay sa encounter sa siudad sang Kabankalan ang responsable sa pila ka kremin nga nagluntad sa Negros Occidental.
Kalakip diri ang pagsunog sang backhoe sa siudad sang Silay kag pagpatay sa isa ka informant sa siudad sang Kabankalan.
Suno kay Javines, nakuha na sang ila tagsa ka mga himata ang bangkay sang mga napatay nga sanday Bobby Pedro alyas “Recor”; Robin Gaitan; Marjon Alvior; Mario Fajardo alyas “Goring”; Melissa Dela Peña alyas “Diane”; kag Bravo.
Madumduman nga napatay ang anum ka gina-alegar NPA sa nagluntad nga engkwentro sa Purok Lubi, Barangay Tabugon, siudad sang Kabankalan, sadtong Huwebes sang gab-i, Setyembre 21, 2023.
