Gin-aprubahan na sang third kag final reading ang City Document Security Seal Ordinance ukon pagbutang sang security seal sa tanan nga mga dokumento sa siudad sang Bacolod.
Ginsulat ni Councilor Al Victor Espino, chair sang committee on law ang nasambit nga ordinansa kasunod sang asud-asud nga kaso sang pagpameke sang mga public documents sa siudad kaangay na lamang sang business permits.
Suno kay Espino nga magluwas sa QR code, isa ini ka tikang sang siudad agud malikawan ang pagpameke sang mga dokumento.
Dugang pa ni Espino nga nalakip sa mga dokumento nga butangan sang security seal ang mga business Permit, PWD, kag Solo Parents IDs.
Pila ka mga department nga magagamit sang security seal amo ang Local Civil Registrar, Business Permits and Licensing Office, City Health Office, Bacolod Traffic Authority Office, City Assessor’s Office, City Engineering Office, Office of the Building Official, Bids and Awards Committee, Office of the City Mayor, City Accountant’s Office, City Planning and Development Office, Tourism Office, City Library, SP, City Agriculture kag Environment and Natural Resources Office.
May natalana naman nga P35 million nga pondo ang siudad para sa nasambit nga seal, apang suno kay Mayor Albee Benitez nga indi man magamit ang bilog nga pondo bangud igabaligya nila ang security seal sa mga tawo.
Pahayag pa ni Espino nga nagabalor sang P50 ang kada isa ka seal.*
