Magabalik sa Philippine Basketball Association (PBA) si Chris McCullough agud maghampang sa masunod nga season sang asosasyon.
Si McCullough ang anay San Miguel Beerman import.
Sa pagdaug sang Barangay Ginebra sa nagtakop nga PBA Commissioner’s Cup Season 47, iya gintamyaw ang team kag may ginbilin nga mga tinaga:
“Much deserved brother but I’m coming back commissioners cup to take the crown back.” suno kay McCullough.
Dako ang kontribusyon sang import sa pagkadaug sang SMB sadtong 2019 PBA Commissioner’s Cup.
Base sa mga latest post sang import, luyag niya nga magbalik hampang kag mangin naturalized player sang Gilas Pilipinas.
Wala pa mahibalu-an kun ano nga team ang iya pagasudlan sa masunod nga season sang PBA.*