Gin re-elect bilang President sang Philippine National Volleyball Federation (PNVF) si Ramon Suzara kadungan sang National Sports Association’s Board Meeting sa The Vault sa Bonifacio Global City.
Nagapasalamat si Suzara sa salig nga ginhatag sa iya bilang tig-pamuno sang pederasyon.
Nagpromisa ini nga pabakudon kag pasanyugon pa niya ang patag sang volleyball sa masunod nga duha ka tuig.
Ginpasalamatan man niya ang Philippine Olympic Committee (POC) kag Philippine Sports Commission sa pagsuporta sa PNVF.
Ginkilala naman si Senator Alan Peter Cayetano bilang PNVF Chairman Emeritus kag head sang delegation sang National Volleyball Team sa ika-32nd Southeast Asian Games nga pagahiwaton sa Cambodia sa bulan sang Mayo apang paga-updan naman ni Senator Pia Cayetano ang team sa Hangzhou Asian Games sa bulan sang Setyembre.
Dugang pa, ginkilala man sanday Dr. Arnel Hajan bilang Chairman, Richard Palou bilang Vice President, Donald Caringal bilang Secretary-General, Tuguegarao City Councilor Maria Rosario Soriano bilang Treasurer, Yul Benosa bilang Auditor, Leyte Fourth District Representative Richard Gomez bilang Deputy Secretary-General nga in-charge man sa international competitions.
Miyembro naman sang board sanday Anthony Liao, Carmela Arcolas Gamboa, Rodrigo Roque, Fr. Victor Calvo Jr., Sisinio Ariel Paredes, Karl Jeffrey Chan kag Michael Angelo Vargas.
Ginbuslan naman ni Vargas si Atty. Wharton Chan bilang POC Caretaker kag Representative.
Ginpangunahan naman ni Atty. Alfedo Villamor Jr. kag nangin witness si POC Representative Karen Tanchanco Caballero ang nasambit nga eleksyon.*