Nagtaliwan na sang Martes, Enero 17 sa edad nga 118-anyos ang French nga madre nga si Sister André – ginkilala bilang pinakatigulang nga tawo sa bug-os nga kalibutan.
Suno kay David Tavella, spokesperson sang madre, nagtaliwan si Sister André las dos sang kaagahon, “there is great sadness, but she wanted it to happen, it was her desire to join her beloved brother. For her, it is freedom.”
Base sa pahayag sang Guinness sang Abril tuig 2022, gindedikar ni Sister André ang iya kabuhi sa ‘religious service’.
Antes ini nangin madre, nagbantay ini sa kabataan sang World War II kag 28 ka tuig ini nga nag-atipan sang mga ilo kag mga tigulang sa ospital.
Dugang pa sang Guinness, si Sister André ang pinakatigulang nga madre nga nabuhi.