Bangud sa nagataas nga numero sang COVID-19 positive cases sa siudad sang Bacolod, nagmando si Mayor Evelio Leonardia sang pagpatuman sang “alternative work arrangement” para sa mga empleyado sang Bacolod City Government.
Ang ini nga arrangement ang kombinasyon sang “work-from-home” kag “staggered working hours” nga ginapahanugutan sa idalom sang Provision 3.5 of Civil Service Commission (CSC) Memorandum Circular No. 10 series of 2020.
Ang nasambit nga arrangement ang ipatuman kuntani umpisa sang Agosto 10 apang bangud nagmando ang alkalde nga ipadalom sa lockdown ang Bacolod City Government Center humalin Agosto 10 tubtob 16 ang ini nga arrangement ang nag-umpisa subong nga adlaw Agosto 17.