Nakarekord sang ikaduha nga patay bangud sang COVID-19 ang siudad sang Bago.
Santo sa official statement ni Bago City Mayor Nicholas Yulo ang ikaduha nga coronavirus death ang isa ka domestic case sa diin ang pasyente ang isa ka 49-anyos nga babayi nga residente sang Proper North, Barangay Taloc.
Naadmit ini sa Bacolod South Hospital tinalikdan nga Agosto 11 matapos ini nga mag-eksperyensya sang respiratory systoms kag na-diagnosed sang pneumonia. May yara ini sang co- morbidity bangud ini man ang diabetic. Ginpatigayon ang PCR swabbing sa pasyente sa nasambit man nga ospital.
Ang bana sang pasyente ang nagatrabaho sa Panasiatic Solutions sa diin may yara sang mga reports sang domestic transmission. Ginsiling sini nga may yara siya sang hilanat antes pa man nagpakita sang sintomas ang iya nga asawa. Nagsiling man ini nga nakaagi kadto sa PhilHealth Office sa siudad sang Bacolod.
Ang mag-asawa ang may yara sanbg duha ka mga bata nga babayi. Ang kamagulangan ang 18-anyos kag pito naman ka tuig ang kamanghuran. Sang nangin suspect case ang amay sang mga ini ang magulang nga bata ang nagsaylo sa ila nga himata samtang nagpabilin naman sa amay ang manghod.
Ang tatay kag ang bata sini nga pito ka tuig ang lunsay karon mga asymptomatic kag gin-abisuhan naman nga magpaidalom sa istrikto nga home quarantine.
Natumod man ang iban pa nga naka-contact sa mag-asawa kaangay sang tricycle driver nga ginsakyan sang mga ini padulong sa to Bacolod South Hospital tinalikdan nga Agosto 6.
