Nagdihon sang isa ka pormal nga komite ang Task Force sang Commission on Elections (Comelec) nga magabantay batuk sa ‘vote buying’ kag ‘vote selling’ sa pungsod.
Sa report sang Pilipino Star Ngayon Digital, ginpahayag ni Comelec spokesperson Johnrex Laudiangco nga gindihon ang Task Force Kontra Bigay sadtong 2019 Election kag ginpadayon ini sadtong 2022.
Bangud sa pormal na ini nga komite, padayon na ini nga magabantay sa baligyaanay kag baklanay sang boto sa tanan nga eleksyon.
Sa karon, pagatawgon na ini nga Committee on Kontra Bigay, nga pagadumalaan ni Comelec Commissioner Ernesto Maceda Jr.*