Posible nga extension sang sim registration, ginatalakay na sang DICT

Ginatalakay na karon sang Department of Information and Technology (DICT) ang posible nga extension sang deadline sang Sim Card Registration sa Pilipinas.

Suno report sang Pilipino Star Ngayon Digital, bangud ini sa manubo nga kadamuon sang SIM cards nga rehistrado na apisar nga duha na lamang ka semana antes mag-abot ang deadline sini sa Abril 26.

Sa pinakaulihi nga datos sang National Telecommunications Commission (NTC), nahibaluan nga yara sa 38.8% pa lamang sang 168.9 milyones nga SIMs sa pungsod, ang rehistrado na.

Suno kay DICT Assistant Secretary Jeffrey Ian Dy, wala pa sang polisiya subong kun i-extend and registration apang ginatalakay na nila ini karon.*