Arestado ang ginapatihan Commanding Officer sang Yunit Militia sang New People’s Army sa Sitio Cunalom, Barangay Carabalan sa siudad sang Himamaylan sadtong Biyernes, Hulyo 28, 2023.
Ginkilala ang suspek sa kay Lodorico But-ay ukon mas kilala bilang “Jude”, 68-anyos, kag residente sang Sitio Lunoy sang nasambit nga barangay kag siudad.
Nagpatigayon sang operasyon ang 94IB, Himamaylan City PNP, 2nd NOCPMFC, kag PNP Maritime Negros Occidental nga nagresulta sa pagkadakop sa suspek.
Gindakup ang suspek paagi sa warrant of arrest angut sa kaso nga rape, nga gin-isyu ni Judge Walter Zorilla sang RTC Branch 55 sang Sixth Judicial Region.
Nakahunong karon ang suspek sa kustodiya sang Himamaylan City Police Station para sa maid-id nga imbestigasyon kag nagakaigo nga disposisyon.*
