Bacolod City-Sa live interview sang Radyo Bandera Sweet FM Bacolod 103.9 kay City Administrator Em Ang, iya ginkumpirmar nga may pagsinapol karon sa hapon ang DOH Regional Director, DILG Regional Director, Local COVID-19 task force, Mayor Evelio “Bing” Leonardia, kag iban pa nga mga opisyal angot sa desisyon kung ano gid man ang mangin quarantine status sang Bacolod City matapos ukon antes ang Hulyo 31.
Dugang pa ni City Administrator Ang, nakadepende karon kong ano gid man ang desisyon sang mga agencies kag regional officers.
Madumduman, nga may grupo sang mga doktor sa Bacolod City ang nag-apelar kay Presidente Rodrigo Duterte kag sa National IATF sang liwat nga pagpaidalom sa siudad sa Enhanced Community Quarantine sang duha ka semana agud nga makabulig sa pagtapna sang nagataas nga local transmissions sang COVID-19 sa siudad.